Interview in The Buzz by Boy Abunda [1.3.10]www.pep.ph/news/24284/Angel-Locsin-being-courted-by-CNN-Hero-of-the-Year-Efren-PeAngel Locsin being courted by CNN Hero of the Year Efren Peñaflorida
Glen P. SibongaMonday, January 4, 2010 09:23 AM
Sa live guesting ni Angel Locsin sa New Year presentation ng The Buzz kahapon, January 3, isa-isang napag-usapan ang tungkol sa mga lalaking nagkaroon ng kaugnayan sa kanya, gayundin ang mga bagong hinaharap nito sa 2010.
Una na nga rito ang ex-boyfriend ni Angel na si Luis Manzano na ibinuko ng nag-i-interview na host na si Boy Abunda ang ginawang pagdalaw kay Angel sa dressing room bago ito sumalang sa The Buzz.
Kaagad ngang kinumusta ni Boy kay Angel ang relasyon nila ni Luis ngayon.
"Ayun nga, e.... tungkol dun," tila hindi makasagot si Angel.
Nasorpresa ba siya sa ginawa ni Luis?
"Medyo naisip ko na. Pero ayoko naman kasing mag-expect. Ang tagal naming hindi nakapag-usap. Tapos kagabi, tumawag siya. 'Medyo ang sama ko doon sa interview. Magpapaliwanag lang ako.' Kasi parang ang tagal naming hindi nagkita tapos nagkita kami. Sobrang awkward lang ng kilos ko. Parang hindi ko alam kung papaano kikilos. So, yun," lahad ni Angel.
Gaano katagal ba silang hindi nagkita?
"Hindi naman buwan o ano. Kaya lang... Well, kasi 2010 na, parang gusto ko fresh start, bago na. Di ba, alam mo yun na kung magmu-move on, magmu-move on, ganyan."
Ang pagkikita nila ni Luis ay senyales na muli silang nagkakaayos at nagiging magkaibigan. Ano ang feeling niya tungkol dito?
"Hindi ako makasagot," sambit ni Agel. "Sa akin kasi, mas importante yung friendship, e. Sa ngayon, hindi naman ako naghahanap ng pumasok sa isang relasyon o ano. Mas okay sa akin yung okay yung relasyon ko sa lahat ng tao. Mas okay na sa akin yun."
Pero ready na ba siya to fall in love again?
"Sa ngayon, hindi pa ho muna siguro," sagot ng aktres.
Napagod ba ang puso niya?
"May quota rin siya!" natatawang sabi ni Angel. "Well, masarap ma-in love. Pero masarap ma-in love sa tamang tao, sa tamang panahon. Pag alam mong ibinigay ni God sa iyo."
AMPALAYA/CALAMANSI ANONYMOUS. Sumunod namang pinag-usapan ang tungkol sa bagong grupo ni Angel kasama ang ilang kaibigang artista at singers na tinatawag na Ampalaya Anonymous na naging Calamansi Anonymous na raw. Ano ba ang ibig sabihin nito?
"O, di ba, improving na kami, di ba? Hindi, kasi yung ampalaya... paborito kasi ni AA [palayaw ni Cristine Reyes] yung ampalaya, kaya kami naging ampalaya. Pero calamansi kasi naging coed na kami. Mas bigger, mas better na kami. And minsan si Ate Ruffa [Gutierrez], guest namin," paliwanag ni Angel.
Hindi pa raw nila nakakasama sa meetings si Ruffa, pero nakalabas na raw sila kasama ang actress-TV host.
Is ampalaya something to do with being bitter? And calamansi has something to do with asim?
"No naman. Siguro parang blessing na rin na pinagsama-sama kami ni God para suportahan..." ani Angel.
So, katuwaan lamang?
"Katuwaan... wala naman kaming.... wala siya talaga. Parang, 'O sige, ano ang tawag sa atin? Mag-ampalaya na lang tayo...'"
Sinu-sino sila sa grupo?
"Si Cristine Reyes, siya ang president namin. Me ganun, e. Ako raw ang muse. Hindi ko alam kung bakit. Sabi ko, mag-e-effort na lang ako. Si Bubbles Paraiso, na siya nga pala ang nag-style sa akin ngayon, thank you. Si Maxene Magalona. Si Chito Miranda [vocalist ng Parokya ni Edgar]. Si Champ [Lui-Pio, vocalist ng Hale], medyo sumasama sa amin. Sina Kanu... Bianca King."
EFREN PEÑAFLORIDA. Isang malaking rebelasyon naman ang isiniwalat ni Angel nang mapag-usapan nila ang tungkol sa itinanghal na CNN Hero of the Year na si Efren Peñaflorida. Ayon kay Boy, nang ma-interview niya si Efren sa programa niyang The Bottomline, may sinasabi raw si Efren tungkol sa isang special girl sa buhay nito at ito pala ay walang iba kundi si Angel Locsin.
Lumalabas na biggest crush pala ni Efren si Angel, pero sabi ni Boy, biggest love naman daw. Ano ang comment ni Angel dito?
"Paano ba? Nakapag-usap kami. Actually, before pa naman magkaroon ng award sa kanya, magkaibigan na kami sa Facebook. Yung mga cause na ginagawa niya, sinusuportahan ko rin. Naniniwala ako sa mga gusto niyang gawin. And nagkita kami bago ako pumuntang [New York para dumalo sa International Emmy Awards, kung saan nominated siya as Best Actress para sa teleserye niyang Lobo]... sabay kami sa eroplano kasi, e. Doon na kami nagkakilala talaga.
"Nakapag-usap kami. Hindi ko alam kung paano ko sabihin, e... Yun nga, parang sinabi ko sa kanya na medyo natatakot akong sabihin sa kanya kasi siyempre siya yung nakikitang hope ng bansa natin, e. Para sa akin kasi, ang mas kailangan natin ngayon sa Pilipinas yung hope. At ayoko yung... dahil magulo nga ang buhay ko dahil nasa showbiz ako, ayokong yung hope na maibibigay niya sa mga tao, maapektuhan ng dahil sa akin. Sinabi ko sa kanya kung ready na ba siya na... Ay, nahihiya ako! Kung ready na ba siya na harapin yung mga yun. Ako kasi sinabi ko na, well ako kasi gusto ko friendship muna," mahabang salaysay ni Angel.
Biglang sumingit si Boy dahil hindi siya makapaniwala na seryoso ang naging pag-uusap nina Angel at Efren na tila tumutukoy sa kagustuhan ng CNN Hero na ligawan ang aktres. Lalo pang kinilig si Boy at ang mga tao sa studio nang aminin ni Angel na nakapunta na ng bahay nila si Efren.
"Paano ba? Kasi pumunta siya sa bahay. Nag-usap sila ng dad ko. Mas una niyang kinausap yung dad ko kesa sa akin. Nagulat ako pagdating ko, 'Bakit parang nagkukulong sa kuwarto yung dalawa. Ano ang nangyayari dun?'"
So, nag-uusap na si Efren at ang Daddy niya?
"Pero first time lang po yun, Tito Boy. Nahihiya ako. Ano ba 'yan, nawawala ako! Ang init ng pisngi ko," nahihiyang sabi ni Angel.
Isang wish naman para kina Angel at Efren ang sinabi ni Boy na kung saan man mapupunta ang pagkakaibigan nilang dalawa, he wishes them all the best.
VHONG NAVARRO. Sumunod na tanong naman ni Boy kay Angel ang tungkol sa bagong leading man ng aktres na si Vhong Navarro, na makakasama ni Angel sa ABS-CBN fantaserye na Kokey@Ako. Umano'y nahuhulog na rin daw ang loob ni Vhong sa aktres.
"Ay, hindi naman po siguro. Hindi naman," sabi ni Angel.
Ayon kay Angel, magsisimula na raw silang mag-taping ni Vhong para sa Kokey@Ako bukas, January 5. Kung overwhlemed daw si Vhong na makatrabaho si Angel, excited na rin daw ang aktres na makatrabaho ang aktor at puring-puri niya rin ito.
"Ako din. Kasi si Vhong nakita ko, siya yung pinakamagaling talaga sa comedy sa generation namin. Matalino si Vhong. At saka iba yung appeal kasi ang galing sumayaw, di ba? Ang galing pumorma. Pero kilalanin muna namin ang isa't isa. We're friends naman e. Okay kami sa ganun, di ba?
"Ayoko namang magpaka-plastic na sabihin na, 'Oo, nagkaka-inlaban kami, ganyan.' Wala, kaibigan kami ni Vhong na nag-text siya gusto niyang makipag-bonding. Siguro dahil sa character na yun na pag-start namin kasi boyfriend-girlfriend kami. So, kailangan may chemistry na kaagad. E, hindi pa kami nagkakatrabaho."
MICO SOTTO. Hindi naman maiwasan maitanong kay Angel ang tungkol sa yumao nitong boyfriend, ang young actor na si Mico Sotto, lalo na nga't last December 29 ay nagpasalamat si Angel sa kanyang Twitter account sa lahat ng mga taong nakaalala sa death anniversary ni Mico. After all these years, bakit hindi niya pa rin nakakalimutan si Mico?
"Hindi, imposible naman," sagot ni Angel.
First love niya ba si Mico?
"Akala ko dati merong... Alam mo yun, pagka bata ka akala mo yung love, yun na yung love. Pero pag na-experience mo lang at saka mo lang masasabi na, 'A, eto pala yung love.' Hinding-hindi siya mawawala sa buhay ko. Parte siya ng buhay ko talaga. Kahit six years ago na yun, parang feeling mo, napaka-fresh pa rin, ganun. Pero siyempre mas happy ka dahil alam mong mas masaya siya kung nasaan man siya ngayon. Kasi ano ba naman ang binatbat nung pagmamahal namin kumpara sa pagmamahal ni Lord?"
NEW YEAR. Ano ang maaasahan sa kanya ngayong 2010?
"Itong Kokey mag-start na kami. Tapos sobrang looking forward din ako dun sa soap na binubuo ng ABS-CBN sa amin ni John Lloyd [Cruz]. Matagal ko nang inaawitan si John Lloyd, so okay na. Napansin naman yung pagpapapansin ko. Masaya na ako doon. Ayun, hindi pa ako nakakapag-workshop para kay John Lloyd. Sana ma-appreciate ng mga tao."
Nagbigay rin ng update si Angel sa inilunsad nilang Shop and Share ni Anne Curtis na may layuning magbigay tulong sa mga nasalanta ng mga nagdaang bagyong Ondoy at Pepeng nooong 2009.
"Update lang sa Shop And Share, nakalampas na tayo sa one million mahigit. And maglalagay kami ng parang press statement, kami ng Red Cross, para ipaalam sa inyo kung ano na ang inabot nung mga itinulong niyo. Maraming salamat."